Zvicra ka siguruar vendin e parë në Grupin B të Botërorit, pas fitores 2-1 ndaj Kanadasë në ndeshjen vendimtare mes dy skuadrave me pikë të barabarta.

Sfida nisi me ritëm të lartë, me të dy ekipet që kërkonin kreun e grupit dhe një pozicion më të favorshëm në fazën eliminatore.

Protagonist i takimit u bë i riu Manzambi, i cili fillimisht asistoi në golin e Vargas dhe më pas shënoi vetë golin e dytë për Zvicrën në fillimin e pjesës së dytë.

Kanada reagoi me golin e Promis Dejvid, duke rihapur ndeshjen, por nuk arriti të gjejë rrjetën e barazimit deri në fund të takimit.

Me këtë rezultat, Zvicra mbyll grupin në vendin e parë, ndërsa Kanadaja renditet e dyta, duke siguruar gjithashtu kualifikimin për fazën tjetër të turneut.