Një ngjarje e rëndë është regjistruar në fshatin Agonas të Kavajës, ku një 76-vjeçar dyshohet se ka vrarë me thikë vëllain e tij 74-vjeçar gjatë një konflikti familjar.

Sipas policisë, ngjarja ka ndodhur rreth orës 20:30, teksa të dy vëllezërit ndodheshin në arë duke mbledhur bazë ushqimore për blegtorinë.

Si pasojë e plagëve të marra, 74-vjeçari është transportuar me urgjencë drejt spitalit, por ka humbur jetën gjatë rrugës.

Policia ka ndërhyrë menjëherë në vendngjarje dhe ka arrestuar autorin e dyshuar, ndërsa po vijojnë hetimet për të sqaruar rrethanat dhe motivet e konfliktit që çuan në krimin e rëndë.

Materialet i janë referuar Prokurorisë për veprime të mëtejshme procedurale.

Njoftimi

Kavajë

Plagosi me mjet prerës vëllain, i cili si pasojë e plagëve të marra humbi jetën rrugës për në spital, kapet dhe shoqërohet në Polici autori i dyshuar.

Rreth orës 20:30, në fshatin Agonas, Kavajë, dyshohet se, gjatë kohës që ndodheshin në arë duke mbledhur bazën ushqimore për blegtorinë, shtetasi M. Rr., 76 vjeç, ka goditur me mjet prerës (thikë) vëllain e tij, shtetasin E. Rr., 74 vjeç, i cili u transportua menjëherë për ndihmë mjekësore, por si pasojë e dëmtimeve të marra ka ndërruar jetë.