Trajneri i kombëtares së Ganës, Karlos Keiroz, ka lëshuar kritika të ashpra ndaj arbitrimit pas barazimit pa gola ($0-0$) kundër Anglisë në Kupën e Botës 2026. Ndonëse u shpreh tejet i kënaqur me pikën e marrë dhe disiplinën taktike të lojtarëve të tij, tekniku 73-vjeçar portugez pretendoi se "Yjeve të Zeza" iu mohua fitorja për shkak të dy vendimeve të diskutueshme në pjesën e dytë.

Keiroz vuri në shënjestër sistemin VAR, duke përdorur ironi të hollë për dy episode që sipas tij duhet të ndryshonin fatin e takimit: një karton i kuq i padhënë ndaj portierit anglez Jordan Pickford dhe një penallti e pretenduar ndaj sulmuesit Prince Adu.

"Nuk luhet samba kur kundërshtari luan rock ‘n’ roll"Përtej polemikave, Keiroz vlerësoi maksimalisht sakrificën e skuadrës dhe faktin që arritën të neutralizonin yjet e Anglisë."Jam shumë krenar për mënyrën se si lojtarët tanë luftuan dhe respektuan planin e lojës. Kur duhet të mbrohemi, ne mbrohemi. Nuk mund të luaj samba kur ata luajnë ‘rock ‘n’ roll’. Ky është futbolli. Objektivi ynë ishte ta përfundonim pjesën e parë me Anglinë të frustruar dhe pa zgjidhje, dhe këtë e arritëm," deklaroi Keiroz.

Tekniku portugez shtoi se objektivi kryesor është shumë pranë, duke konsideruar se Gana e ka thuajse të siguruar kalimin në fazën tjetër, ndonëse matematika ende mban gjithçka të hapur në Grupin L.Ironia me VAR-in: "Na u mohua një penallti e pastër dhe një karton i kuq"Keiroz nuk e fshehu irritimin për vendimet e arbitrit kryesor në minutat 67 dhe 79 të ndeshjes, duke shpërthyer në deklarata që tashmë po bëjnë xhiron e medieve ndërkombëtare:Episodi i kartonit të kuq (Minuta 67): Portugezi pretendoi se portieri anglez Jordan Pickford duhej të ndëshkohej me karton të kuq pas një ndërhyrjeje jashtë zone ndaj sulmuesit Prince Adu.Episodi i penalltisë (Minuta 79): Sipas tij, i njëjti sulmues pësoi një kontakt të qartë brenda zonës nga mbrojtësi Ezri Konsa, por loja u lejua të vazhdonte."A funksionon ende VAR-i? Apo ishte me pushime?" tha me ironi Keiroz për mediet. "Pati një penallti të pastër që duhej dhënë dhe një kontakt që na mohoi një shans të pastër shënimi, që ishte karton i kuq. Anglia nuk humbi sepse VAR-i kishte shkuar për të pirë një kafe. Po të mos ishte kështu, ne do ta kishim fituar ndeshjen. Ata ishin me fat."Gana do të luajë ndeshjen e tretë dhe vendimtare të grupit ditën e shtunë në orën 23:00 kundër Kroacisë, në një përballje që do të përcaktojë përfundimisht fatin e kualifikimit.