Nxehtësia ekstreme që po përfshin Europën ka ndikuar edhe në sektorin energjetik në Francës, ku autoritetet kanë pezulluar funksionimin e reaktorit Centrali bërthamor Golfech.

Sipas raportimeve, reaktori “Golfech 2” është ndalur për shkak të rritjes së temperaturës së ujit në lumin Garonne, i cili përdoret për sistemin e ftohjes së impiantit. Temperaturat e ujit kanë arritur nivele pranë 30°C, duke rritur rrezikun për ndikim në ekosistemin lumor.

Impianti, i vendosur midis Tuluzës dhe Agenit, do të mbetet në gjendje pezull për të paktën një javë, deri në stabilizimin e kushteve klimatike dhe uljen e temperaturave të ujit.

Operatori energjetik Électricité de France (EDF) ka bërë të ditur se masa është marrë jo për arsye sigurie të brendshme të reaktorit, por për të shmangur ndikimin mjedisor nga shkarkimet termike në lumë, të cilat mund të dëmtojnë ekosistemin ujor dhe nivelet e oksigjenit.

Ky është një nga disa centralet bërthamore në Europë që përdorin ujërat natyrore për ftohje, duke i bërë veçanërisht të ndjeshëm ndaj valëve ekstreme të të nxehtit që po përfshijnë kontinentin.