Një konflikt fizik mes disa personave është regjistruar mbrëmjen e së hënës në bulevardin “Ismail Qemali”, në lagjen “Lef Sallata” në Vlorë, duke shkaktuar tension në zonë.

Sipas informacioneve paraprake, përplasja ka degraduar në përdorimin e grushteve mes disa qytetarëve, ndërsa ende nuk dihen shkaqet që kanë çuar në konflikt.

Menjëherë pas njoftimit, në vendngjarje kanë mbërritur forcat e Policisë së Shtetit, të cilat kanë ndërhyrë për të neutralizuar situatën dhe për të shmangur përshkallëzimin e mëtejshëm të saj.

Personat e përfshirë në konflikt janë shoqëruar në komisariat, ku po merren në pyetje për të sqaruar rrethanat dhe dinamikën e ngjarjes.

Policia ka nisur hetimet për zbardhjen e plotë të incidentit dhe identifikimin e përgjegjësive.