Skena të vërteta paniku dhe kaosi janë regjistruar në Tegucigalpa, kryeqytetin e Hondurasit, ku një automjet që udhëtonte me shpejtësi të lartë ka humbur kontrollin dhe është përplasur dhunshëm me një pompë karburanti në zonën "Los Alcaldes".

Përplasja e fortë ka shkaktuar menjëherë një vatër zjarri në stacion.

Nga goditja e fuqishme, makina ka marrë para punonjësit që ndodheshin pranë pompës në ato momente.

E gjithë ngjarja shokuese është regjistruar nga kamerat e sigurisë së biznesit dhe pamjet po qarkullojnë me shpejtësi në rrjetet sociale. Siç dallohet edhe nga videoja, pavarësisht dinamikës së rëndë të aksidentit, një prej punonjësve ka mbetur i lënduar por fatmirësisht pa dëme serioze për jetën.

Në vendngjarje kanë mbërritur me urgjencë forcat zjarrfikëse, të cilat kanë bërë të mundur izolimin dhe neutralizimin e flakëve përpara se zjarri të përhapej në pjesët e tjera të stacionit, duke parandaluar kështu një tragjedi me përmasa më të mëdha.

Autoritetet policore kanë nisur hetimet e plota për të zbardhur shkaqet e sakta të këtij aksidenti, ndërsa po analizohen të gjitha pamjet e kamerave të sigurisë për të rindërtuar skemën dhe rrethanat e plota se si drejtuesi i mjetit humbi kontrollin.

@protothema.gr ‼️ Σκηνές σοκ καταγράφηκαν σε πρατήριο καυσίμων στην Ονδούρα, όταν αυτοκίνητο εισέβαλε με μεγάλη ταχύτητα στον χώρο. Από τη σύγκρουση ξέσπασε φωτιά, ενώ ένας εργαζόμενος εκτοξεύτηκε στο έδαφος. @Mario Nawfal #protothema #news #greektiktok #tiktokgreece ♬ πρωτότυπος ήχος – protothema.gr