Egjipti ka marrë një fitore historike 1–3 ndaj Zelandës së Re në Vancouver, duke përmbysur rezultatin dhe duke u ngjitur në krye të Grupit G pas ndeshjeve të dyta të fazës së grupeve në Kupën e Botës 2026.

Ndeshja nisi më mirë për Zelandën e Re, e cila kaloi në avantazh në minutën e 15-të me golin e Surman. Megjithatë, në pjesën e dytë Egjipti reagoi fuqishëm, duke përmbysur gjithçka me një performancë të plotë.

Ziko barazoi shifrat në minutën e 58-të, Mohamed Salah realizoi golin e përmbysjes në të 67-ën, ndërsa Trezeguet vulosi fitoren në minutën e 82-të.

Ky sukses shënon fitoren e parë të Egjiptit në historinë e pjesëmarrjeve në Kupën e Botës, pas 92 vitesh pritje që nga debutimi i parë në vitin 1934.

Pas këtij rezultati, Egjipti kryeson Grupin G me 4 pikë, i ndjekur nga Irani dhe Belgjika me nga 2 pikë, ndërsa Zelanda e Re mbyll renditjen me 1 pikë.