Kepi i Gjelbër ka vazhduar surprizën në Kupën e Botës 2026, duke barazuar 2-2 ndaj Uruguait në një ndeshje dramatike të Grupit H, të zhvilluar në Miami.

Ekipi debutues kishte më herët ndalur Spanjën në barazim pa gola dhe këtë herë arriti të marrë një tjetër rezultat pozitiv, duke shënuar edhe golat e parë historikë në një Botëror. Kevin Pina kaloi Kepin e Gjelbër në avantazh në minutën e 21-të, ndërsa Uruguai përmbysi rezultatin para pushimit me golat e Maximiliano Araujo dhe Agustin Canobbio.

Në pjesën e dytë, Helio Varela riktheu baraspeshën në minutën e 61-të, duke vulosur rezultatin 2-2 në një ndeshje me ritëm të lartë dhe raste të shumta për të dyja skuadrat.

Pas këtij rezultati, Spanja kryeson grupin me 4 pikë, ndërsa Uruguai, Kepi i Gjelbër dhe Arabia Saudite ndajnë pozitat e mbetura në garën për kualifikim, duke lënë gjithçka të hapur për ndeshjet e fundit të fazës së grupeve.