Ka përfunduar pjesa e fjalimeve në protestën e zhvilluar përpara godinës së Kryeministrisë në Tiranë, në ditën e 22-të të tubimit qytetar.

Menjëherë pas mbylljes së mesazheve nga podiumi, mijëra protestues janë rreshtuar dhe kanë nisur një marshim përgjatë rrugëve kryesore të kryeqytetit.

Turma, e shtrirë në një gjatësi kilometrike, po lëviz nën monitorimin e forcave të rendit, ndërsa pjesëmarrësit vijojnë të thërrasin për dorëheqjen e kreut të qeverisë.

Marshimi po zhvillohet në mënyrë të organizuar, teksa autoritetet po ndjekin situatën në terren për të garantuar mbarëvajtjen e tubimit dhe qarkullimin në zonat e prekura.