Artisti nga Peja, Gjesti, ka vijuar aktivitetin e tij muzikor me koncerte dhe projekte të reja, duke u rikthyer fuqishëm në skenë gjatë këtij viti.

Së fundmi, ai ka performuar në Zvicër në kuadër të “Alba Festival”, një ngjarje që mbledh çdo vit diasporën shqiptare.

Gjatë koncertit, Gjesti ka interpretuar hitin “Fuqishëm”, ndërsa publiku është bashkuar në këngë dhe atmosferë festive, siç shihet edhe në pamjet e publikuara në rrjetet sociale.

Artisti, emri i vërtetë i të cilit është Besart Kelmendi, ka paralajmëruar gjithashtu një surprizë për fansat, duke shkruar se ajo do të publikohet së shpejti.

Albumi i tij më i fundit është pritur pozitivisht nga publiku dhe ka marrë vlerësime të shumta në skenën muzikore.