Një grua 40-vjeçare dhe vajza e saj 13-vjeçare janë gjetur të vdekura në një apartament në Torino, në një ngjarje që ka tronditur opinionin publik.

Sipas hetimeve paraprake të autoriteteve italiane, dyshohet se bëhet fjalë për një rast vrasje-vetëvrasje, ku nëna fillimisht ka vrarë vajzën e saj dhe më pas ka ndërmarrë aktin e vetëflijimit.

Trupat e pajetë janë zbuluar nga vajza tjetër e familjes, 19 vjeçe, e cila është gjetur në gjendje shoku dhe është transportuar për trajtim në spital.

Shërbimet e emergjencës mjekësore kanë ndërhyrë menjëherë në vendngjarje dhe kanë tentuar reanimimin e 13-vjeçares, por pa sukses.

Autoritetet italiane po vijojnë hetimet për të sqaruar plotësisht rrethanat dhe motivet e ngjarjes tragjike.