Një protestues i moshuar ka reaguar për incidentin e ndodhur pranë ambasadës së Izraelit, ku u gris flamuri izraelit gjatë një tubimi të zhvilluar në Tiranë.

Ai e ka dënuar ashpër këtë veprim, duke theksuar se nuk përfaqëson protestuesit dhe se, sipas tij, bie ndesh me traditën historike të shqiptarëve për mikpritje dhe mbrojtje ndaj hebrenjve.

Sipas tij, personat e përfshirë në këtë akt nuk kanë lidhje me kauzën e protestës dhe kanë synuar të dëmtojnë imazhin e saj.

“Ne jemi populli më i vjetër në Europë, kemi mbrojtur hebrenjtë gjatë Luftës së Dytë Botërore. Ata që kanë bërë atë akt nuk janë shqiptarë,” u shpreh ai.

Protestuesi shtoi se përpjekjet për të diskredituar lëvizjen qytetare nuk do të kenë sukses, duke theksuar se qytetarët do të vazhdojnë protestën me vendosmëri.