KORÇË, 21 qershor 2026 – Një aksident rrugor është regjistruar pasditen e së dielës në aksin nacional Korçë–Bilisht, në afërsi të fshatit Dishnicë, ku një automjet ka përplasur një person që po lëvizte me biçikletë.

Si pasojë e përplasjes, drejtuesi i biçikletës ka pësuar dëmtime, kryesisht në zonën e kokës.

Menjëherë pas ngjarjes, i plagosuri është transportuar me urgjencë drejt Spitalit Rajonal të Korçës, ku ka marrë ndihmën e nevojshme mjekësore.

Burime spitalore bëjnë me dije se, pavarësisht dëmtimeve të marra, pacienti ndodhet jashtë rrezikut për jetën.

Në vendngjarje kanë mbërritur shërbimet e policisë dhe grupi hetimor, të cilët po punojnë për të sqaruar rrethanat dhe shkaqet e aksidentit.