Tiranë, 21 qershor 2026, 01:04 /noa.al – Kur protesta ka hyrë tashmë në ditën e 22-të, mijëra protestues po qëndrojnë para godinës së qeverisë dhe vazhdimisht lëshojnë thirrje kundër Ramës.

Ata nuk po kursejnë as kastën politike në tërësi duke kërkuar daljen e tyre nga jeta politike e vendit, raporton noa.al e cila po monitoron nga afër protestën.

Thirrjet që dëgjohen në rrugën para Kryeministrisë

"Je i rrethuar, nuk ke për të shpëtuar".

"Ik nga Kryeministria, të pret qelia".

"Rama n’burg, Berisha n’burg".

Protesta është kthyer kështu në revoltë-maratonë kundër të gjithë klasës politike dhe protestuesit paralajmërojnë: "Ju erdhi fundi".