Nuk largohemi”, protestuesit paralajmërojnë se do ta gdhijnë para Kryeministrisë

Protestuesit e mbledhur këtë mbrëmje para Kryeministrisë kanë deklaruar se nuk do të largohen nga sheshi dhe se do ta kalojnë natën aty, në shenjë kundërshtimi ndaj qeverisë.

Gjatë protestës, organizatorët u bënë thirrje qytetarëve të qëndrojnë para godinës së Kryeministrisë deri në orët e para të mëngjesit, duke theksuar se aksioni i tyre do të vijojë edhe pas përfundimit të fjalimeve dhe marshimit.

Pjesëmarrësit kanë ngritur slogane kundër qeverisë dhe kanë përsëritur kërkesat e tyre, mes të cilave dorëheqja e kryeministrit Edi Rama dhe krijimi i një qeverie teknike.

Ndërkohë, forcat e policisë vijojnë të monitorojnë situatën, ndërsa deri tani protesta është zhvilluar pa incidente të raportuara.