KRUJË – Një banesë është përfshirë nga flakët mbrëmjen e sotme në zonën e Niklës, duke u shkrumbuar plotësisht, por fatmirësisht pa shkaktuar të lënduar në njerëz.

Shtëpia është në pronësi të Mondi Sabri Luka.

Raportohet se pas njoftimit, në vendngjarje kanë mbërritur shërbimet e zjarrfikëses së Krujës, të cilat kanë ndërhyrë për izolimin dhe shuarjen e flakëve, duke shmangur përhapjen e zjarrit në banesat përreth.

Sipas informacioneve paraprake, dyshohet se shkaku i rënies së zjarrit ka qenë një defekt në sistemin elektrik të banesës, por rrethanat e sakta pritet të përcaktohen pas verifikimeve përkatëse.

Autoritetet po vijojnë punën për dokumentimin e plotë të ngjarjes.