TIRANË – Një deklaratë e deputetes Marjana Koçeku në rrjetet sociale ka ngjallur reagime të shumta publike, përfshirë edhe atë të ish-banorit të “Big Brother VIP 5”, Rogert Sterkaj.

Koçeku kishte publikuar një mesazh të fortë drejtuar një familjeje, ku paralajmëronte se në rast të cenimit të familjarëve të saj, do të kishte pasoja të rënda. Deklarata e saj u shpërnda gjerësisht në rrjetet sociale dhe u bë objekt diskutimi.

Në reagimin e tij, Sterkaj ka këshilluar familjarët ose personat e afërt të deputetes që, sipas tij, të ndërhyjnë për të shmangur publikime të mëtejshme të ngjashme.

“Një këshillë e sinqertë për familjen dhe miqtë e ngushtë të Marjana Koçekut: dikush duhet t’ia marrë telefonin dhe t’ia mbyllë llogarinë e Instagram-it. Pikë!!!”, ka shkruar ai.

Ai ka vijuar më tej duke komentuar mënyrën e komunikimit të saj publik, duke e cilësuar si të dëmshme për imazhin dhe besueshmërinë e saj politike, ndërsa ka sugjeruar tërheqje nga reagimet emocionale në rrjete sociale.

Deklaratat e të dy palëve kanë ndezur debat në rrjetet sociale, ndërsa deri tani nuk ka pasur një reagim zyrtar nga Koçeku lidhur me komentet e Sterkajt.