Shtetet e Bashkuara të Amerikës kanë regjistruar një fitore të rëndësishme 2-0 ndaj Australisë në ndeshjen e fazës së grupeve, duke siguruar kualifikimin për në fazën tjetër të turneut.

Ekipi i drejtuar nga Mauricio Pochettino kaloi në avantazh që në minutën e 11-të, pas një autogoli të shënuar nga Burgess. Pak minuta më vonë, Freeman dyfishoi shifrat, duke konsoliduar fitoren e amerikanëve që në pjesën e parë.

Me këtë rezultat, SHBA ngjitet në kuotën e 6 pikëve dhe mban vendin e parë në grup, ndërsa Australia renditet e dyta me 3 pikë të grumbulluara.

Ndeshja u dominua në pjesën më të madhe nga amerikanët, të cilët kontrolluan ritmin dhe administruan avantazhin deri në fund të takimit.