Një moment i përshkruar si emocionalisht vendimtar gjatë samitit të G7 ka ndikuar në qëndrimin e presidentit amerikan Donald Trump lidhur me luftën në Ukrainë, sipas raportimeve të publikuara nga Politico.

Presidenti ukrainas Volodymyr Zelensky i ka treguar Trump-it fotografi të Katedrales së Fjetjes në Kiev, e cila shihej me kupola të arta në flakë pas një sulmi rus.

Sipas tre zyrtarëve të G7 të cituar në raport, Trump u pa dukshëm i prekur nga imazhet, ndërsa një prej tyre tha se “ai ishte vërtet i prekur”.

Ky moment konsiderohet nga disa pjesëmarrës si një nga faktorët që ndikoi në ndryshimin e qëndrimit të SHBA-ve, duke çuar në mbështetjen e një deklarate më të ashpër të përbashkët për Ukrainën një ditë më pas.

Ngjarja vjen në një kohë kur aleatët perëndimorë po përpiqen të ruajnë unitetin mbi strategjinë ndaj luftës në Ukrainë dhe presionin ndaj Rusisë në arenën ndërkombëtare.

Teksa Ukraina, ka ndërmarrë një seri sulmesh masive me dronë në Moskë, të cilat kanë shkaktuar dëme shumë të mëdha në kryeqytetin rus. Ato kanë goditur kryesisht infrastrukturën e energjisë.