Në bregdetin e Vlorë është regjistruar një incident i rrezikshëm, ku një parashutist ka rënë në det gjatë përpjekjes për ulje, duke rrezikuar të mbytej.

Sipas të dhënave paraprake, dy pushues që ndodheshin pranë vendit të ngjarjes kanë reaguar menjëherë, duke u hedhur në ujë dhe duke notuar drejt tij. Ata kanë arritur ta nxjerrin në breg dhe t’i shpëtojnë jetën.

Pas nxjerrjes nga uji, personit të dëmtuar i është dhënë ndihma e parë në vendngjarje, ndërsa më pas është transportuar me urgjencë drejt spitalit për trajtim mjekësor të specializuar.

Autoritetet pritet të hetojnë rrethanat e incidentit.