Deputetja e Marjana Koçeku nuk ishte e pranishme në seancën plenare të së enjtes, vetëm pak ditë pasi kishte bërë publik largimin e saj nga grupi parlamentar i Partia Socialiste.

Gjatë seancës në Kuvend, u vu re se vendi i saj në sallë nuk ishte më i lirë. Ai ishte zënë nga deputetja socialiste e Vlorës, Briseida Çakërri, një lëvizje që u interpretua si sinjal i distancimit të shumicës parlamentare pas zhvillimeve të fundit politike.

Ndryshimi i vendit të Koçekut në sallë tërhoqi vëmendje në Kuvend, në një seancë ku debatet politike ishin të pranishme dhe ku nënkryetari i Kuvendit, Niko Peleshi, ndërpreu përkohësisht punimet.

Koçeku nuk mori pjesë në seancë, ndërsa ripozicionimi i vendeve në sallë u pa si pjesë e riorganizimeve të brendshme pas zhvillimeve të fundit në radhët e socialistëve.