FUSHË-ARRËZ, 18 Qershor 2026 – Detaje të reja janë zbardhur nga ngjarja e rëndë e ndodhur në fshatin Arst të Fushë-Arrëzit, ku një çift bashkëshortësh u dhunua barbarisht. Policia ka arritur të identifikojë dhe të shpallë në kërkim njërin prej autorëve kryesorë, ndërsa po punohet intensivisht për identifikimin e katër personave të tjerë të përfshirë në këtë agresion.

Në kërkim policor është shpallur zyrtarisht shtetasi Kristian Bala. Sipas hetimeve të para, ky person, përveç pjesëmarrjes në dhunën ndaj çiftit, ka kërcënuar seriozisht edhe djalin e tyre. U zunë pritë në rrugë, zbulohet motivi banal i konfliktit

Ngjarja ka ndodhur në një rrugë të fshatit Arst, ku pesë personat i kanë zënë pritë bashkëshortëve Skënder dhe Bardhe Nika. Pasi i kanë bllokuar, autorët kanë ushtruar dhunë të ashpër fizike ndaj tyre, duke u shkaktuar dëmtime të shumta.

Grupi hetimor ka konstatuar se pas kësaj ngjarjeje të rëndë fshihet një motiv banal për motive pronësie dhe përfitimi ekonomik. Konflikti mes palëve ka nisur dhe ka degraduar në dhunë fizike për shkak të ndarjes së territoreve dhe zonave pyjore që përdoren për mbledhjen e dredhëzave të egra në atë zonë.

Në vendngjarje kanë shkuar forcat e policisë, të cilat po kryejnë veprimet procedurale, ndërsa po krehet zona me qëllim lokalizimin dhe kapjen e Kristian Balës dhe identifikimin e plotë të bashkëpunëtorëve të tij në këtë krim.