Një aksident i rëndë në punë është regjistruar këtë të mërkurë në zonën e Teqesë së Koshtanit, në Bashkinë Memaliaj, ku një 45-vjeçar ka mbetur i plagosur rëndë pasi ka rënë nga një skelë.

Sipas informacioneve paraprake, Edison Pata, 45 vjeç, dyshohet se ka humbur ekuilibrin teksa punonte në një lartësi prej rreth 13 metrash, duke u rrëzuar nga skela.

Si pasojë e rënies, ai ka pësuar dëmtime të rënda në gjymtyrë dhe në organe vitale.

Menjëherë pas ngjarjes, 45-vjeçari është transportuar me ambulancë drejt Spitalit Rajonal të Gjirokastrës, ku po merr ndihmën mjekësore të nevojshme.

Burime paraprake bëjnë me dije se gjendja e tij shëndetësore paraqitet kritike dhe ai ndodhet në rrezik për jetën. Ndërkohë, pritet zbardhja e plotë e rrethanave të aksidentit.