TIRANË – Edhe këtë të mërkurë, qytetarët janë mbledhur sërish përpara godinës së Kryeministrisë, duke hyrë në ditën e 18-të radhazi të protestës.

Ndryshe nga ditët e mëparshme, protesta e sotme pritet të nisë me fjalimet e të moshuarve, duke sjellë një ndryshim në renditjen e folësve të tubimit. Një ditë më parë, podiumi iu dha kryesisht të rinjve, adoleshentëve dhe studentëve.

Po ashtu, që prej së martës është vendosur ndryshimi i orarit të nisjes së protestës, e cila nga ora 18:00 është shtyrë në 19:00, si pasojë e temperaturave të larta që kanë përfshirë vendin.

Sipas organizatorëve, gjithashtu janë vendosur kufizime edhe në formën e marshimeve, të cilat tashmë zhvillohen brenda perimetrit të Unazës së kryeqytetit.

Protesta vijon pa ndërprerje prej 18 ditësh, me pjesëmarrje të qytetarëve që shprehin pakënaqësi ndaj qeverisjes dhe kërkojnë ndryshime politike.