Tiranë, 17 Qershor 2026 – I penduari i drejtësisë, Artan Tafani, ka dëshmuar sërish përpara togave të zeza në procesin gjyqësor që po zhvillohet ndaj Laert Haxhiut. Gjatë seancës së sotme, Tafani ka zbardhur prapaskenat e planifikimit të një atentati të mbetur në tentativë ndaj shtetasit Rexhep Gina. Sipas dëshmisë së tij, eliminimi fizik i Ginës ishte organizuar për motive hasmërie dhe përplasjeje pronash, ku në skenë del edhe emri i të vrarit në Greqi, Mario Diamanti, si dhe përfshirja e dyshuar e një oficeri të policisë greke për sigurimin e të dhënave.

Gjatë marrjes në pyetje nga pala mbrojtëse, bashkëpunëtori i drejtësisë ka rindërtuar me detaje kronologjinë e ngjarjeve, që nga takimet e para në Athinë në vitin 2021 e deri te ndjekja në terren e shënjestrës në Shqipëri.

Më poshtë vijon procesverbali i plotë i dëshmisë dhe ballafaqimit të Artan Tafanit me avokatin mbrojtës në sallën e gjyqit:

Avokati: Korrik 2022 ku keni qenë? Artan Tafani: Në Astir me Laertin, në shtëpi. Bashkë kemi jetuar në atë kohë.

Avokati: A ju kujtohet të keni kryer ndonjë aktivitet kriminal, gjatë korrikut 2022? Artan Tafani: Mos gaboj, kemi marrë veprimet për të kryer vrasjen e Rexhep Ginës. Personalisht nuk e njihja.

Avokati: Kush e porositi dhe pse? Artan Tafani: Për punë hasmërie, ka qenë te grupi i Aldo Bares. Ka qenë dhe një konflikt pronash. Ma ka shpjeguar Laerti arsyen pak a shumë. Në Lushnjë te lokali i Rexhep Ginës ka pasur toka dhe xhaxhai i Laertit aty.

Avokati: Kur e keni diskutuar për herë të parë? Artan Tafani: Në Athinë, Greqi.

Avokati: Keni bërë plan? Artan Tafani: Rexhep Gina në atë kohë jetonte në Athinë, prandaj. Ma tha mua personalisht dhe Mario Diamantit, do merrnin informacione përmes një polici grek.

Avokati: Kush kanë qenë të pranishëm? Artan Tafani: Mario Diamanti që është vrarë në Greqi, unë dhe Laert Haxhiu. Takimi në Greqi është bërë në 2021 mos gaboj.

Avokati: Sa keni qëndruar në Greqi? Artan Tafani: 10 ditë, ika pastaj. Laerti erdhi në tetor.

Avokati: Keni diskutuar më për Rexhep Ginën? Artan Tafani: Po, për vrasjen e Rexhep Ginës. E ruante Laerti vazhdimisht, e ndiqnin dhe njerëzit e Laertit. Dy persona i çonin video dhe foto Laertit.