SHBA – Lionel Messi ka shkruar një tjetër faqe historike në futbollin botëror, duke realizuar një tripletë në debutimin e tij në Kupën e Botës 2026, në ndeshjen ndaj Algjerisë, të cilën Argjentina e fitoi 3-0.

Në një përballje që u zhvillua në Kansas City, “Pleshti” ishte protagonist absolut, duke udhëhequr kampionët në fuqi drejt një fitoreje bindëse në Grupin J.

Messi zhbllokoi sfidën në minutën e 17-të me një goditje të fuqishme nga distanca, ndërsa në pjesën e dytë realizoi edhe dy herë të tjera, duke kompletuar një tregolësh brenda 60 minutave lojë.

Me këto tre gola, Messi arriti në kuotën e 16 golave në historinë e Kupave të Botës, duke barazuar rekordin e Miroslav Klose dhe duke u ngjitur në krye të renditjes së golashënuesve të të gjitha kohërave në turne.

Performanca e tij erdhi saktësisht 20 vite pas debutimit në Kupën e Botës në vitin 2006, kur kishte shënuar gol ndaj Serbisë dhe Malit të Zi, duke nisur një karrierë legjendare në kompeticionin më të rëndësishëm të futbollit.

Argjentina konfirmoi dominimin e saj, ndërsa Messi edhe një herë u bë figura qendrore e një mbrëmjeje historike që ka tërhequr vëmendjen e gjithë botës së futbollit.