Protesta qytetare në Tiranë ka hyrë në ditën e saj të 17-të, ndërsa pjesëmarrësit vijojnë të kërkojnë dorëheqjen e qeverisë dhe të kryeministrit Edi Rama.

Organizatorët kanë njoftuar se, për shkak të temperaturave të larta që po shënohen gjatë ditëve të fundit, është vendosur ndryshimi i orarit të protestës për ditët në vijim.

Sipas njoftimit të bërë gjatë tubimit, protesta do të zhvillohet në orën 19:00, me qëllim shmangien e vapës së mesditës dhe krijimin e kushteve më të përshtatshme për pjesëmarrësit.

“Nga nesër kemi vendosur një orar të ri. Protesta do të nisë në orën 19:00”, deklaroi një nga organizatorët.

Qytetarët që marrin pjesë në tubim kanë paralajmëruar se do të vijojnë protestat edhe në ditët në vijim, duke këmbëngulur në kërkesat e tyre ndaj qeverisë.