Të dhënat po ngarkohen...
Transmetuar më 15-06-2026, 12:46
Është publikuar fotoja e 45-vjeçarit Valter Lleshi, i cili mbeti i vrarë mëngjesin e së hënës pas një sulmi me armë zjarri. Viktima u qëllua me breshëri plumbash teksa ndodhej brenda automjetit të kompanisë ku ishte i punësuar.
Ngjarja e rëndë u regjistrua rreth orës 07:10 në fshatin Shkorrët, përgjatë segmentit rrugor Reps–Spaç, në Mirditë.
Hetuesit po punojnë mbi disa pista, ndërsa një prej tyre lidhet me mundësinë e një hakmarrjeje. Sipas dyshimeve paraprake, Lleshi mund të ketë pasur lidhje me vrasjen e Anton Kelit, ngjarje e ndodhur më herët në Rrëshen.
Anton Keli rezulton të ketë qenë i afërm i Armando Gjinit. Megjithatë, burime nga policia bëjnë me dije se deri në këtë fazë të hetimeve, Valter Lleshi nuk ka qenë as i hetuar dhe as i skeduar si person i dyshuar për vrasjen e Kelit.
Autoritetet vijojnë hetimet për zbardhjen e plotë të rrethanave të ngjarjes dhe identifikimin e autorëve.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd