SHBA – Holanda dhe Japonia ndanë pikët në ndeshjen e parë të Grupit F, duke barazuar 2-2 në një përballje spektakolare të zhvilluar në Dallas. Të katër golat e takimit u shënuan në pjesën e dytë, pas një fraksioni të parë të mbyllur pa gola.

“Portokallinjtë” e nisën ndeshjen me ritëm të lartë dhe krijuan disa raste të mira shënimi, kryesisht me Donyell Malen, por portieri japonez Suzuki u tregua vendimtar duke mbajtur të paprekur portën e tij.

Holanda kaloi në avantazh në minutën e 51-të falë kapitenit Virgil van Dijk, i cili realizoi me kokë pas një goditjeje standarde. Reagimi i Japonisë ishte i menjëhershëm dhe në minutën e 57-të Nakamura barazoi shifrat me një goditje të fuqishme nga jashtë zone.

Vetëm shtatë minuta më vonë, Crysencio Summerville riktheu avantazhin për Holandën, duke i afruar europianët drejt fitores. Megjithatë, Japonia nuk u dorëzua dhe në minutën e 89-të Daichi Kamada shënoi me kokë golin e barazimit, duke vulosur rezultatin përfundimtar 2-2.

Me këtë rezultat, Holanda dhe Japonia marrin nga një pikë në startin e aventurës së tyre në Grupin F. Ndeshja tjetër e grupit zhvillohet mes Suedi dhe Tunizi.