Mbrojtësi i kombëtares së Katarit, Boualem Khoukhi, është kthyer në një nga emrat më të komentuar të futbollit ndërkombëtar, jo vetëm për golin e tij historik, por edhe për shpërblimin e jashtëzakonshëm që raportohet se do të përfitojë.

Goli i realizuar nga Khoukhi në ndeshjen ndaj Zvicra i siguroi Katarit një rezultat historik, duke i dhënë përfaqësueses pikën e parë në një kompeticion të Kupës së Botës.

Sipas raportimeve, arritja është vlerësuar me një bonus prej 3 milionë dollarësh, një shumë që e rendit këtë rast mes shpërblimeve më të mëdha individuale të raportuara ndonjëherë në futboll.

Përveç bonusit financiar, futbollisti pritet të marrë si dhuratë edhe një automjet luksoz Rolls-Royce Phantom, me vlerë që tejkalon 550 mijë dollarë.

Momenti i Khoukhit konsiderohet si një nga ngjarjet më të rëndësishme në historinë e futbollit të Katarit, pasi goli i tij jo vetëm ndikoi në rezultatin e ndeshjes, por shënoi edhe një arritje simbolike për sportin e këtij vendi.

Megjithëse futbolli modern është mësuar me kontrata milionëshe dhe bonuse të konsiderueshme, shpërblimi i raportuar për Khoukhin ka ngjallur debat në mediat sportive ndërkombëtare, duke ngritur pyetjen nëse bëhet fjalë për një nga golat më të shtrenjtë të shpërblyer ndonjëherë në historinë e futbollit.