Një nga rezultatet më befasuese të deritanishme në FIFA World Cup 2026 u regjistrua në përballjen mes Zvicra dhe Katari, e mbyllur në barazim 1-1 pas një goli dramatik në minutat shtesë.

Ekipi zviceran dominoi pjesën më të madhe të takimit dhe kaloi në avantazh në pjesën e parë falë një penalltie të fituar nga Remo Freuler. Nga pika e bardhë u tregua i saktë Breel Embolo, duke i dhënë epërsinë skuadrës së tij.

Embolo, i cili iu bashkua me vonesë grumbullimit të kombëtares pas problemeve me dokumentacionin e udhëtimit drejt SHBA-së, dukej se do të ishte heroi i ndeshjes për Zvicrën.

Megjithatë, kur gjithçka po shkonte drejt një fitoreje që do t’i siguronte zviceranëve vendin e parë në grup, Katari goditi në momentin më të rëndësishëm. Në kohën shtesë, Boualem Khoukhi realizoi me kokë golin e barazimit, duke vulosur rezultatin 1-1.

Ky rezultat përbën surprizën e parë të madhe të turneut dhe mban plotësisht të hapur garën në Grupin B, ku asnjë skuadër nuk ka arritur ende të shkëputet në krye të renditjes. Zvicra humbi një mundësi të artë për të marrë kreun e grupit, ndërsa Katari fitoi një pikë me vlera të mëdha për objektivat e tij në kompeticion.