Shtetet e Bashkuara të Amerikës e kanë nisur me fitore bindëse Botërorin e shtëpisë, duke mposhtur 4-1 Paraguain në “SoFi Stadium” dhe duke marrë kryesimin e Grupit D.

Ndeshja u shoqërua me një atmosferë festive, ku përpara fillimit u zhvillua ceremonia hapëse e turneut, me performanca muzikore nga emra të njohur ndërkombëtarë. Presidenti i SHBA-së nuk ishte i pranishëm në stadium, por raportohet se ka kontaktuar ekipin para ndeshjes për t’i motivuar.

SHBA e nisi ndeshjen me ritëm të lartë dhe kaloi në avantazh pas një autogoli në minutat e para. Më pas Folarin Balogun dyfishoi rezultatin, ndërsa në fundin e pjesës së parë realizoi edhe golin e tretë, duke i dhënë avantazh të thellë vendasve.

Në pjesën e dytë, Paraguai arriti të ngushtojë shifrat në 3-1, por pa mundur të rikthejë ndeshjen. Në minutat shtesë, SHBA shënoi edhe golin e katërt duke vulosur fitoren 4-1.

Me këtë rezultat, SHBA merr tre pikët e para dhe kryeson Grupin D.