Të dhënat po ngarkohen...
Transmetuar më 12-06-2026, 18:03
KORÇË – Një aksident rrugor është regjistruar rreth orës 16:30 në aksin Korçë–Ersekë, në afërsi të fshatit Kamenicë.
Sipas informacioneve paraprake, një automjet tip “Nissan”, i drejtuar nga shtetasi Sh. V., 76 vjeç, ka përplasur dy këmbësorë, nënë e bir.
Të lënduar kanë mbetur shtetasja Sh. M., rreth 44 vjeçe, dhe djali i saj i mitur, rreth 3 vjeç.
Si pasojë e plagëve të marra, i mituri ka ndërruar jetë në spital, ndërsa nëna e tij po merr ndihmë mjekësore dhe ndodhet jashtë rrezikut për jetën.
Drejtuesi i automjetit është shoqëruar në Komisariat nga specialistët e Sektorit të Qarkullimit Rrugor për kryerjen e veprimeve procedurale.
Ndërkohë, grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd