KORÇË – Një aksident i rëndë rrugor është shënuar në aksin Korçë–Ersekë, në afërsi të fshatit Kamenicë, ku një automjet ka përplasur një fëmijë që po lëvizte në rrugë.

Sipas informacioneve paraprake, i mituri ka humbur jetën si pasojë e plagëve të marra, pavarësisht ndërhyrjes së menjëhershme të shërbimeve të emergjencës.

Burime nga vendngjarja bëjnë me dije se fëmija ndodhej i shoqëruar nga nëna e tij në momentin e aksidentit, ndërsa rrethanat e plota të ngjarjes ende nuk janë të qarta.

Në vendngjarje kanë mbërritur shërbimet e policisë, të cilat po kryejnë veprimet procedurale dhe po punojnë për të zbardhur dinamikën e aksidentit.

Hetimet vijojnë për të përcaktuar shkaqet dhe përgjegjësitë e mundshme të ngjarjes.