12 Qershor, 2026 – Guadalajara, Meksikë

Korea e Jugut arriti një fitore të merituar 2-1 kundër Çekisë në ndeshjen e Grupit A të Kupës së Botës 2026. Takimi, i cili nisi në orën 04:00 me kohën shqiptare, ishte i luftuar, me ritëm të lartë, raste shënimi dhe përmbysje rezultati.

Pjesa e parë përfundoi pa gola, megjithëse të dy ekipet krijuan raste të rëndësishme. Në minutën e 59-të, Çekia kaloi në epërsi me Krejci, i cili devijoi me kokë një top të dhënë nga Coufal, duke vendosur rezultatin 0-1.

Korea e Jugut reagoi shpejt dhe barazoi rezultatin në minutën e 67-të me Huang In-Beom, i cili kaloi mbrojtësit dhe portierin kundërshtar për të dërguar topin në rrjetë me një goditje të saktë. Një gol i Soucek të Çekisë u anulua nga VAR-i për pozicion jashtë loje. Në minutën e 80-të, Oh-Hyeon-Gyu shënoi golin e fitores 2-1, duke përmbysur rezultatin dhe siguruar tre pikët për ekipin aziatik.

Ky ishte suksesi i tretë radhazi i Koresë së Jugut në fazën e grupeve ndaj ekipeve evropiane në Botëror: pas fitores ndaj Gjermanisë në 2018 dhe Portugalisë në 2022, sot u mposht Çekia, e cila rikthehet në një Kupë Bote pas 20 vitesh.

Pas dy ndeshjeve të para të Grupit A, Meksika dhe Korea e Jugut udhëheqin klasifikimin me nga tre pikë secila, ndërsa Çekia dhe Afrika e Jugut nuk kanë grumbulluar ende pikë.

Formacionet titullare:

Korea e Jugut (4-5-1): Kim Seunggyu; Lee Hanbeom, Kim Minjae, Lee Taeseok, Seol; Lee Gihyuk, Huang, Paik, Lee Jaesung, Lee Kangin; Son Heungmin Trajner: Myung-Bo Hong

Çekia (5-3-2): Kovar; Hranac, Coufal, Chaloupek, Krejci, Zeleny; Provod, Soucek, Sojka, Schick, Sulc Trajner: Miroslav Koubek

Renditja e Grupit A:

Meksika – 3 pikë Korea e Jugut – 3 pikë Çekia – 0 pikë Afrika e Jugut – 0 pikë