Një djalë i ri nga Turqia që ishte zhdukur në rrethana të paqarta është gjetur sot, por ai ishte shtruar në spitalin psikiatrik të Tiranës.

Denoncimin për 24 vieçarin turk Doğukan Cinar e bëri shoqja e tij po turke.

Ajo kallëzoi largimin nga banesa në Tiranë, të shokut të saj turk 24 vjeçar, dhe humbjen e kontakteve me të.

Doğukan, është larguar nga banesa ku jetonin së bashku në rrugën “Demir Zyko” dhe nuk është kthyer më, tha e reja.

Ajo shtoi se fillimisht ka menduar se 24-vjeçari mund të ishte larguar për arsye personale, por shqetësimi është rritur pasi kanë kaluar dy ditë pa asnjë kontakt dhe telefoni i tij rezulton i fikur.

Sipas saj, i riu ka lënë në banesë pasaportën dhe ka marrë me vete vetëm një shumë të vogël parash. Ajo shton se në ditët e fundit ai ka shfaqur shenja ankthi.

Sot, Policia e Shtetit njoftoi se e gjeti të riun. Ajo tha se 24-vjeçari është shtruar në spitalin psikiatrik nr. 5 dhe vijon të jetë në kujdesin e mjekëve.

Materialet procedurale për rastin u referuan në Prokurori, për vlerësim.