Korçë – Një aksident rrugor është regjistruar në aksin nacional Korçë–Bilisht, në afërsi të fshatit Zëmblak, ku një drejtues motoçiklete ka humbur kontrollin mbi mjetin dhe ka dalë nga rruga.

Sipas informacioneve paraprake, si pasojë e aksidentit, drejtuesi i motoçikletës ka pësuar dëmtime të rënda dhe është transportuar me urgjencë në spitalin e Korçës, ku ndodhet në repartin e reanimacionit nën kujdesin e mjekëve.

Në vendngjarje kanë mbërritur shërbimet e Policisë Rrugore, të cilat po punojnë për të zbardhur shkaqet dhe rrethanat e aksidentit, si dhe për të përcaktuar nëse bëhet fjalë për shpejtësi, humbje kontrolli apo faktorë të tjerë rrugorë.

Hetimet vijojnë për dokumentimin e plotë të ngjarjes.