TIRANË – Mijëra qytetarë kanë dalë sot në rrugët e Tiranës për të marrë pjesë në një marshim masiv drejt Kryeministrisë, duke kërkuar dorëheqjen e kryeministrit Edi Rama.

Protestuesit, të përbërë nga të rinj, të moshuar, familje me fëmijë dhe qytetarë të ndryshëm, marshuan përgjatë akseve kryesore të kryeqytetit, duke brohoritur thirrje si “Revolucion”, “Shqipëri e Re” dhe “Edi Rama dorëhiqu”.

Pjesëmarrësit inkurajuan kalimtarët dhe drejtuesit e automjeteve të bashkoheshin me marshimin, ndërsa atmosfera ishte e mbushur me ngarkesë qytetare dhe thirrje për ndryshim politik.

Organizatorët e tubimit deklaruan se protesta do të vazhdojë deri në plotësimin e kërkesave të qytetarëve, duke e shndërruar marshimin në një nga mobilizimet më të mëdha qytetare të ditëve të fundit në kryeqytet.