TIRANË – Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas, ka njoftuar propozimin e emrave për 33 ambasadorë të BE-së dhe 7 zëvendësshefave të delegacioneve.

Mes emrave të propozuar është edhe Sofia Moreira de Sousa, e cila pritet të marrë postin e ambasadores së Bashkimit Evropian në Tiranë. Ajo aktualisht shërben si shefe e Përfaqësisë së Komisionit Evropian në Portugali dhe më parë ka mbajtur detyrën e ambasadores së BE-së në Kepin e Gjelbër (Cabo Verde).

Emërimi i saj do të formalizohet pasi të merret miratimi zyrtar nga autoritetet shqiptare dhe të përfundojnë procedurat administrative të procesit të rotacionit për vitin 2026.