Kryeministri Edi Rama mori pjesë në aktivitetin e organizuar në Shkodër me rastin e 35-vjetorit të themelimit të Partisë Socialiste në këtë degë.

Gjatë takimit, vëmendjen e të pranishmëve e tërhoqi veshja e kreut të qeverisë, i cili, ndryshe nga aktivitetet e zhvilluara në qytete të tjera, u shfaq i veshur me një bluzë ku paraqiteshin flamingot.

Ky detaj është interpretuar si një mesazh simbolik në lidhje me mbrojtjen e këtyre shpendëve, të cilët janë të pranishëm në zonën e mbrojtur të Lagunës së Nartës. Veshja e kryeministrit vjen në një kohë kur vijojnë debatet dhe reagimet e grupeve mjedisore lidhur me investimet e planifikuara në zonën e Zvërnecit.

Megjithatë, kryeministri Rama nuk bëri ndonjë koment publik në lidhje me simbolikën e bluzës së tij gjatë aktivitetit të zhvilluar në Shkodër.