TIRANË – Vrasja e mbetur pas një konflikti banal në Kamëz, ku viktimë mbeti 27-vjeçari Ardian Baloshi, ka vënë në lëvizje repartet elitë të Policisë së Shtetit. Për shkak të rrezikshmërisë së lartë që paraqet ky krim, strukturat e Policisë së Tiranës kanë kërkuar mbështetjen e forcave speciale.

Për shkak të dyshimeve të forta se autori, shtetasi Sadik Llanaj, është ende i armatosur dhe mund t’u kundërpërgjigjet forcave të rendit, forcat RENEA kanë zbarkuar në terren këtë mesditë dhe kanë nisur një operacion masiv kërkimi.

Gjithë zona ku dyshohet se fshihet i dyshuari është vendosur në rrethim të plotë, ndërsa efektivët e armatosur po ushtrojnë kontrolle të rrepta në banesa, objekte të braktisura dhe në akset rrugore kryesore e dytësore të Kamzës.

Hetuesit dhe forcat e ndërhyrjes së shpejtë po bashkërendojnë veprimet për lokalizimin e menjëhershëm dhe prangosjen e autorit përpara se të largohet nga perimetri i rrethimit.