KORÇË – Një aksident i shpejtë i agjentëve të Drejtorisë Vendore të Policisë së Korçës ka çuar në prangosjen e një shtetasi mesditën e kësaj të hëne. Arrestimi i tij u bë në afërsi të kryqëzimit të fshatit Dishnicë.

Operacioni i koduar pas informacioneve të siguruara në rrugë operative nga struktura policore, të cilat bënin me dije se ky person qarkullonte i armatosur në këtë aks rrugor.

Shërbimet e policisë kanë ndërhyrë menjëherë duke bërë bllokimin e mjetit dhe kapjen në flagrancë të të dyshuarit. Gjatë kontrollit të ushtruar, uniformat blu kanë gjetur dhe sekuestruar në cilësinë e provës materiale një armë zjarri.

Në vendngjarje ndodhet grupi hetimor, i cili po vijon veprimet procedurale për dokumentimin e plotë të rastit, ndërsa po punohet për zbardhjen e motiveve dhe origjinës së armës së zjarrit.