TIRANË – Një ngjarje e rëndë ka ndodhur mesditën e sotme në Kamëz, ku një person ka mbetur i plagosur si pasojë e gjuajtjes me armë zjarri.

I plagosuri, identiteti i të cilit ende nuk bëhet me dije, është transportuar me urgjencë drejt Spitalit të Traumës në Tiranë për të marrë ndihmën e nevojshme mjekësore. Sipas informacioneve të para të bluzave të bardha, fatmirësisht ai ndodhet jashtë rrezikut për jetën.

Në vendngjarje ka mbërritur menjëherë policia dhe grupi hetimor, të cilët kanë nisur punën për zbardhjen e plotë të rrethanave të ngjarjes, identifikimin dhe kapjen e autorit/ëve, si dhe dokumentimin e plotë të këtij krimi.