TIRANË – Ditën e hënë, territori i Shqipërisë do të ndikohet nga kushte atmosferike relativisht të qëndrueshme. Sipas sinoptikanëve, moti pritet të karakterizohet nga alternime kthjellimesh dhe vranësirash mesatare, të cilat do të bëhen më të dendura përgjatë relieveve malore në lindje dhe në jug të vendit.

Zhvillimi i vranësirave gjatë orëve të mesditës dhe pasdites pritet të sjellë reshje shiu të herëpashershme me intensitet të ulët në zonat kodrinore dhe malore. Ndërkohë, në relievet malore të lindjes dhe në malësitë e zonës jugore, reshjet do të jenë në formën e shtrëngatave dhe rrebesheve afatshkurtra.

Sa i përket parametrave detarë, era do të fryjë nga jugperëndimi dhe veriperëndimi me një shpejtësi mesatare deri në 10 m/s. Valëzimi në brigjet e deteve Adriatik dhe Jon do të jetë i ulët, i forcës 2 deri në 3 ballë.