Kosovë – 7 qershor 2026

Ish-presidentja e Kosovës dhe përfaqësuese e Lidhjes Demokratike të Kosovës, Vjosa Osmani, ka deklaruar se Lëvizja Vetëvendosje nuk ka arsye për të refuzuar kandidaturën e saj për postin e presidentes.

Në një konferencë për media së bashku me kryetarin e LDK-së, Lumir Abdixhiku, Osmani falënderoi qytetarët për mbështetjen në zgjedhje, duke e cilësuar rezultatin e partisë së saj si fillim të një faze të re politike.

Ajo theksoi se bashkëpunimi politik pas zgjedhjeve duhet të fokusohet në ndërtimin e institucioneve funksionale dhe sigurimin e stabilitetit në vend.

Sipas të dhënave me mbi 97% të votave të numëruara, Lidhja Demokratike e Kosovës ka marrë 17.68%, një rritje krahasuar me 13.2% në zgjedhjet e mëparshme.

Osmani deklaroi se Vetëvendosje “ka mijëra arsye” për ta mbështetur kandidaturën e saj, duke theksuar se vendimi duhet të shërbejë, sipas saj, interesit të shtetit të Kosovës.

Ajo shtoi gjithashtu se rezultati zgjedhor përfaqëson një mesazh për ribalancim politik dhe se LDK do të vijojë forcimin e saj në periudhën e ardhshme.