Donald Trump është përfshirë në një debat të ashpër me gazetaren Kristen Welker gjatë një interviste në emisionin “Meet the Press” të NBC-së, ku tensionet u rritën gjatë diskutimit për procesin zgjedhor në SHBA.

Gjatë intervistës, Trump e akuzoi gazetaren duke i thënë se ishte “ose budallaqe ose e korruptuar”, pasi ajo i kërkoi prova për pretendimet e tij lidhur me parregullsi në zgjedhjet paraprake në Kaliforni.

Ai kritikoi gjithashtu procesin e numërimit të votave, i cili zgjat disa ditë, duke pretenduar se kjo praktikë mund të përdoret për manipulim zgjedhor. Nga ana tjetër, Welker theksoi se ky është një procedurë standarde e procesit zgjedhor në Kaliforni.

Gjatë debatit, Trump vijoi me akuza ndaj mediave amerikane, duke përmendur ABC, CBS dhe CNN, të cilat i cilësoi si të njëanshme.

Në fund të intervistës, ai u duk i irrituar dhe vendosi ta ndërpriste bisedën, duke thënë: “Le ta lëmë këtu sepse jam i mërzitur. Faleminderit, zemër. Argëtohuni.”