Komisioni Qendror i Zgjedhjeve (KQZ) ka publikuar përditësimin më të fundit mbi pjesëmarrjen e qytetarëve në zgjedhjet e parakohshme për Kuvendin e Kosovës.

Sipas të dhënave zyrtare të publikuara në orën 17:14, deri në orën 17:00 kanë votuar 27.87% e qytetarëve me të drejtë vote në nivel vendi.

Në total, deri në këtë orë, të drejtën e votës e kanë ushtruar 546,185 qytetarë nga 1,959,962 votues të regjistruar në listën e zgjedhësve.

KQZ bën të ditur se janë procesuar të dhënat nga 2,361 vendvotime nga gjithsej 2,498 në të gjithë vendin, që përbën 94.52% të vendvotimeve të rregullta.

Procesi zgjedhor po vijon normalisht në shumicën e qendrave të votimit, ndërsa rezultatet paraprake pritet të përditësohen deri në mbylljen përfundimtare të procesit të votimit.