SARANDË – Një konflikt i dhunshëm është regjistruar mbrëmjen e kaluar në lagjen nr. 4 të qytetit të Sarandës, ku dy persona janë dhunuar fizikisht, ndërsa automjeti i tyre është dëmtuar me sende të forta.

Sipas informacioneve paraprake, ngjarja ka ndodhur pas një konflikti për motive të dobëta. Mjeti i dëmtuar rezulton në pronësi të personave të dhunuar.

Menjëherë pas incidentit, në vendngjarje kanë mbërritur forcat e Policisë së Sarandës dhe ato të FNSH-së, të cilat kanë shoqëruar disa persona për t’u marrë në pyetje, me qëllim sqarimin e plotë të rrethanave të ngjarjes.

Deri më tani nuk janë bërë të ditura detaje të tjera lidhur me identitetin e të përfshirëve apo shkallën e dëmtimeve, ndërsa hetimet vijojnë.