Gjatë aktivitetit për 35-vjetorin e Partisë Socialiste në Vlorë, Kryeministri Edi Rama mbrojti projektin e investimit që ka nxitur debate dhe protesta në ditët e fundit, duke e cilësuar atë një mundësi të rëndësishme zhvillimi për zonën dhe vendin.

Rama u shpreh se modeli i zhvillimit përmes resorteve luksoze, marinave dhe turizmit elitar ka sjellë transformime të mëdha ekonomike në vende të tjera, duke përmendur si shembuj Turqinë dhe qytetin e Tivatit në Mal të Zi.

Sipas tij, ndikimi i këtyre investimeve shkon përtej vetë strukturave turistike, pasi ato gjenerojnë të ardhura dhe zhvillim ekonomik për komunitetin dhe ekonominë kombëtare.

“Ai investim, duke u realizuar, do të bëhet bekim jo vetëm i Vlorës, por i të gjithë Shqipërisë”, deklaroi Kryeministri Rama.