Një moment emocional u shënua gjatë protestës së zhvilluar në bulevard, ku një qytetare shtatzënë mori fjalën për të shprehur shqetësimin e saj lidhur me të ardhmen e vendit dhe brezave të rinj.

E prezantuar si Anxhi, ajo deklaroi se pjesëmarrja në protestë lidhet me vajzën që pret të vijë në jetë dhe me përgjegjësinë për të mbrojtur të ardhmen e Shqipërisë. Sipas saj, vendi u përket qytetarëve dhe brezave që do të rriten në të.

Në fjalën e saj, protestuesja kundërshtoi projektin që ka nxitur debat dhe reagime në Zvërnec, duke bërë thirrje për anulimin e tij.

“Jam këtu për gocën që do të vijë në jetë dhe për të ardhmen e Shqipërisë. Shqipëria është e jona, e fëmijëve që kemi dhe e atyre që do të vijnë në jetë. Anulo projektin”, u shpreh ajo.